سلطان الغرام احد المسلسلات العربيه المتكررة
والتي تنحصر قصتها في الرجل المتعدد الزيجات
واكيد كلنا شاهدنا مثل هذا السيناريو المتكرر من قبل في مسلسلات وافلام عده
وانا اليوم لست بصدد مناقشة مثل هذه السيناريوهات المتكررة
ولكن اكثر ما لفت انتباهي الي هذا المسلسل
هي اغنية تتر النهاية للفنان مدحت صالح
اغنيه تحمل بين ثنايا كلماتها الكثير
اسمعو معايا بتقول ايه
قالو الحريم اعتاب قدم وأرفه
ويكون في عون اللي داب دا مالوهش صرفه
يا حظو اللي تخلي دنيته منورة
ويا عيني علي اللي هتيجي رجله ف اللي هتجيبو ورا
ورا كل عظيم عظيمه
وكترهم اوي قلة قيمة
بيجو للي قصداهم ويكدهم ودمعهم حرفه...
أكم رجال أد الجبال واتقلبو هبل
اتسخطو أودام الجمال وتعبو دوبل
ونقوووووووول إيه بس
دا كأنه مس
ولا عمره هيطلع ولا بالطبل
أيه رأيكم كان عندي حقي في ان الاغنيه تحمل بين طياتها الكثير؟؟؟؟؟؟؟؟؟؟؟؟؟؟؟؟
17 comments:
مرحبا
أنا سمعتها من فترة وعلقت بذهني
وفعلا معانيها حلوة
ممكن الزوجة تسعد زوجها وتكون عون ليه وتساعده في حياته
وممكن تنكد عليه وتخلي عيشته جحيم
أكم رجال أد الجبال واتقلبو هبل
اتسخطو أودام الجمال وتعبو دوبل
ونقوووووووول إيه بس
دا كأنه مس
ولا عمره هيطلع ولا بالطبل
والجزء ده برضه حلو
لأن في رجال بيتجوزوا أكتر من مرة مش بسبب الزوجة أو بسبب تقصير منها ولكن لمجرد إن اللي شافها دي عجبته
زي أستاذ سلطان كده
تحياتي على الموضوع
اولا :المسلسل مكنتش متابعه يمكن شاهدت منه كام حلقه
ثانيا :بجد الاغنيه لما بتكون باللهجه العاميه مبقدرش استوعبها كويس
لكن بعتقد فعلا وراء كل عظيم امراة عظيمه ,وايضا وراء كل عظيمه رجل عظيم
تحياتي وسلامي
طبعا انا متفرجتش على المسلسل خالص لانى مش بقعد قدام التلفزيون يمكن ساعه بالليل وبعدين انام وممكن الساعه دى الغيها واقرى اى كتاب لحد برضه ما انام ... بس الايام دى هو بيتذاع على الحكايات وبيخلص الساعه 11 بالليل انا يا اما ادخل فى اخره وهو شغال يا اما واغنية النهاية شغالة ... وبالتالى اخدت بالى كلماتها ... لكن المسلسل بصراحة معرفش عن احداثه حاجة
تحياتى يا قمر
هبه
مشكورة علي مرورك وتشريفك دايما بتكوني اولي المعلقين
دائما لكي اضافات وتعليقك في صميم الموضوع
تحياتي
عزيزي راك
انا كمان مش متابعه جيده لكل حلقات المسلسل لكن انا كنت بسأل عن ارائكم في كلمات الاغنية واللي انا كاتبه كلماتها
يمكن يكون المعني فعلا غير ظاهر لانه باللغه العاميه
تحياتي وسعدت بمرورك
قطة الصحراء
والله انا زعلانه خالص لانك بتتعبي كدا في شغلك وبتروحي 11 مساء
ان لبدنك عليك حق
سعدت لمرورك
تحياتي
عندك حق
مع انى مش متابع التلفزيون اوى
ولا اعرفش المسلس اصلا
بس كلمات لاغنيه مع صعوبتها بس جامده وحقيقيه
انا رائى فعلا ان الحريم ارزاق واقدام
فى وحده ترفع راجل لسابع سما ووحده تخسف بيه سابع ارض
تحياتى
حبيبتى وايت آنجيل
اتمنى تكونى بخير
كنت قرأت في كتب وحي القلم للرافعى مقال رائع اسمه عاصفة القدر..ختمه بعباره خطيره...قال فيهاكلا معناه"ان الرجل ممكن يهزم جموع رجاله ادامه وحده،وبرغم كده ممكن امراه واحد تهزمه بسهوله!!!
------
دمتِ بخير يا حبيبتى"
السلام عليكم ورحمة الله وبركاته
شوفى بقة يا ستى انا لا شوفت المسلسل ولا سمعت الاغنية
بس فى الغالب شكلها كده جامدة
انا بحب اغانى مدحت صالح
وعموما هيا الستات فعلا نوعين
نوع صلاحه يرفع الرجل والاسرة كلها ويوصلها لطريق النجا والاستقامة بفضل الله
ونوع نعوذ بالله من شره ممكن يفسد اكثر الامور اصلاحا
ربنا يكرم الجميع ويرزقنا صلاح الدنيا والدين
تحياتى يا جميل
:)
إنتي اختفيتي فين؟
:)
مش عارف والله
مجربش واحدة عشان اقول عن اتنين او حتى أربعة
بس اللي اقدر اقوله
ان النساء رحمةً لنا
كان في حكمة سمعتها زمان
ان الستات زي الشمس تحبها ايام وتكرهها ايام
فعلا الاغنية فيها معانى كثيرة وجميلة ولاكن
اية رأيك فى التعدد؟؟؟؟؟؟؟؟؟؟
أكيـــــد
حبيبتي ملك
يمكن دي اول مرة أعلق فيها عندك
أحييكي علي كل كتاباتك وأهنيكي علي مدونتك "معلش جت متأخرة شوية " وأحب أقولك استمرى واوعي تتوقفي
غيااااااااب حضرتك طاااااااااال اتمني اكوني بالف خير وابقي ادخلي طمنينا عليكي
في امان الله
منتظرين عودتك في اقرب وقت
ادخلي اكتبي اي حاجه طمنينا عليكي
لقد كنت أعني إلى آخر عن شيء مثل هذا على صفحة الويب الخاصة بي وكنت أعطاني فكرة. هتاف.
Post a Comment