ستار اكاديمي
برنامج علي القناة الفضائه اللبنانيه
LBC
مش هكدب عليكم واقول اني مش بتفرج علي
النوعيه دي من البرامج
ومش هدعي عدم اهتمامي بتلك الفضائيات
التي تهتم عادة بتلك النوعية من البرامج
بصراحه في اولي مواسم هذا البرنامج
كنت من اشد المعجبين والمتابعين له
وتقريبا كنت عايشه مع المشتركين طول اليوم
وساعات كتير كان بياخدني الحماس زي كل المصريين
وبشجع وببعت رسايل لفوز المشترك المصري
الكلام دا كان من خمس سنوات تقريبا
يمكن التجربه ذاتها كانت جديدة علينا كشعوب عربيه
وكمان الحياه والاختلاط بالشكل دا بين الولاد والبنات
كان اكتر حاجه لافته للانتباه وكنت دايما مركزة
وعاوزة اعرف ايه اللي هيحصل بكرة
وتوالت المواسم
وقل اهتمامي بمتابعة هذا البرنامج
إن لم يكن انعدم هذا الاهتمام
وذلك لاسباب عده
يمكن اولها الاحداث الراهنه التي تمر بها لبنان والمنطقه العربيه بأثرها
وثانيها الهرج والمرج والخروج عن المألوف لما يحدث بين الاولاد والبنات
الموضوع بقي زيادة بشكل مؤرف
انا مش ضد الفن ولا الغني لكن بالشكل اللي ينفع نقبله كشعوب عربيه
يعني مثلا ايه علاقة تعليمهم للغني والتمثيل بالاحضان المتبادله بين المشتركين
ناهيك عن الحاجات التانيه اللي بجد اخجل اني اسمهيها او اوصفها
لكن ابسط ما يقال عنها انها اوضاع بجد مخله وعيب كدا
وعندي سؤال مهم جدا
هي الناس دي رايحه تتعلم ايه بالظبط؟
أكيد لو كان في تعليمات تحكم قواعد اللعبه اكتر من كدا
يمكن كانت نالت رضاء الجميع
وخصوصا اننا بقينا نعرف نقدر المواهب بالشكل المفروض
دا كان رأيي ويهمني اعرف أرائكم
20 comments:
وايت انجل
أنا عن نفسي مش متابعة ستار اكاديمي خالص
وبالصدفة كده من كام يوم كنت بقلب في القنوات لقيته شغال .. دفعني الفضول اتفرج لقيت الولاد بيمسكوا البنات من ايديهم ورجليهم وهيلا هوب يرموهم في البيسين
ونزلوا كلهم وقعدوا يعوموا مع بعض
بصراحة أنا جات لي صدمة .. أنا مش بتفرج على فيلم أجنبي يعني .. دول ناس عرب .. حسيت انها حاجة مسخرة بصراحة
وعنها وغيرت القناة وقررت انسى ستار اكاديمي ده نهائيا
لإن ببساطة الفن ليس مرادفا للانحلال
تحياتي
المفروض يكون الفن هو مراة لهموم واوجاع الامه
لكن اللي بنشوفه حاليا علي الفضائيات ده ابتذال واسفاف
فين ايام حليم وام كلثوم ونجاة
موضوعك هادف بجد
تحياتي وسلامي
حبيبتى وايت
انا بصراحه مش بحب النوعيه دى م البرامج خالص
بحس انه تقليد اعمى وغير موجه للغرب
والافعال اللى فيه فاقده الهدف وحسن الاخراج
ي الاختلاط المذموم بين البنات والولاد فيه والحاجات دى بتؤلمنى
لما احس ان الشباب اللى هما امل الامه دماغهم فاضيه اوى كده
الفن الحقيقي هو اللى مصدره الابداع والمنهجيه السليمه والهدف الواضح وعمره ماكان بالتقليد الاعمى اللى بيضر اكتر ما بينفع
تقبلي تحياتى ،،،،
بعلموهم قلة الادب ممكن
لأن صورهم بتنزل النت وهم بنات وأولاد بشكل مش حلو ابدا
بعلموهم كيف يتركو هموم الامة ويتركو الاسلام وينشغلو بالشهره
ناس بتغني وترقص
وناس بتموت جوع بغزة
والله عالم ما عندهم دم
يعني قناه ال بي سي قناة لبنانيه نسيو شو صار بلبنان في الحرب السابعه مع اسرائيل
ولا ما بحسو ؟
موضوع هام جدا ومستفز بنفس الوقت لأنك بتحسي انو في بشر على الكرة الارضية لو يطلعو المريخ احسنللهم
اسعدني تواجدك رفيقتي جدا
دمت بود
روري
المفروض الناس دي رايحه تتعلم فن :) و ده في حد ذاته هدف كويس بالذات انهم بيحاولوا يعلموهم صح وعلى اسس
اما موضوع اللايف شو .. وانك تتابعي تحركاتهم اول بأول .. فده كله كلام فاضي .. لأنه واضعف الايمان .. اذا مكانش بيخالف التقاليد فبيخالف الشريعه اللى جعلت للبيوت حرمات وستره و ده مبيحصلش خالص هناك
اما موضوع المتابعه , فيمكن الواحد تابع البرنامج في الاول بداعي الفضول .. لكن حاليا .. مفيش اي مبرر لمتابعته لأنه متابعتنا ليه ده اللى بيخليه يستمر .. يعني لو الناس بطلت تتفرج و تبعت رسايل البرنامج ده 100% هيقف ومش هيكمل .. و لو الهدف منه التعليم .. زي ما بيقولو .. يعملوا اكاديميه عاديه .. مش لازم تكون تحت الميكروسكوب .. و الناس كلها قاعده مع بعض وفوق بعض زي المناظر اللى بيعملوها .. واللى الهدف منها انهم يعملوا شووو و خلاص
تحياتي :) و ياريت تبطلي فرجه على ستار اكاديمي ههههه
عــــــــــار أكــــاديــمــــي
ده العنوان المناسب
للفسق بجد والسافلة دي
شكرا لأنك اثرتي الموضوع ده بجد
وخصوصا اننا بقينا نعرف نقدر المواهب بالشكل المفروض
******
غريبه جبتي الكلام ده منين ؟؟
لكن خليني اقول
انه لا يصح الا الصحيح
بمعنى
ان احنا مش نتكلم على الأحضان ونترك الاختلاط
ومش نتكلم على الرقص ونترك التبرج
هو الموضوع كاملا لا يصح ولا عرضناه على ديننا وعلى غقلنا وعلى شهامتنا
لأبوا جميعا
موضوع جميل وهام
يا ريت تتوسعي فيه كمان
وتغطيه من جميع جوانبه
عشان الغلابه اللي زيي يفهموا
سعيد بزيارتك
وأتمنى لك التوفيق
احييكى على مناقشة الموضوع دا
انا شوفته مرة واحدة من دافع الفضول وايه اللى مخلى البشر كلها تشوفه
بس بعد كده خلاص
بقيت بستغرب الناس بتتفرج عليه ليه
مالوش معنى ولا لزمة بصراحة
تحياتى يا جميل
ستار اكادمى ده نوعيه كويسه عشان تطلع مواهب لكن ان يصبح ادمان لا ينطبق على ان احبه
بلوج هايل
البرنامج ده خنييييييييييق مووووت
والعيال دمها تقيييييل
بصراحة من ساعة ما ابتدى مقدرتش اتفرج على اكتر من خمس دقايق كل سنه
كل الكلام اللي بتقوله ده زائد التصويت فيه غش
حبيبتى احنا كشعوب عربية بنتفنن فى الخروج عن المألوف
دايما ننظر للغرب ونقلدهم ده ان عرفنا نقلدهم اصلا لانهم بيرتقوا بنفسهم لكن احنا بنخرج عن العادات والتقاليد والاعراف ونقول هو ده التقدم
انا بصراحة عمرى ما شجعت ولا بعت لا رسايل ولا اتصلت
تحياتي
مصيبة امتنا اننا ننقل البرامج الاجنبية دون ان نراعي الفروق الثقافية و الحضارية و الدينية...البرنامج مقتبس عن برنامج امريكي....
المصيبة الأكبر ان شبابنا يسعي الي الشهرة مهما كان الثمن....الا من رحم ربي...فهم و الحمد لله الغالبية التي حتي
ان ابتليت تستتر...
اللهم اهدي شبابنا جميعا الي ما تحب و ترضي.
تحياتي و تقديري
ياستى عاوز اقولك حاجه
الى يشوف البرامج دى يقول ان لبنان دى دوله من الدول الاسكندنافيه
او من دول العالم الاول الى معندوش مشاكل
بس عاوز افكر ان لبنان هى الدوله الوحيد فى تاريخ الارض الى معندهاش رئيس جمهوريه
يعنى عندها فراغ دستورى
لبنان فيها مشكل تكفى ست او سبع دول
جزب الله قوة
والميلشيات الدخليه قوات اخرى
والبلد اصلا مافيهاش جيش يحميها
الى كانوا بيحموها السورين
كل اسبوع اغتيال شخصيه فى لبنان
كلهم عملاء وبيقبضوا من امريكا
بلد اقل ما يقال عنها انها وقحه سياسيا
ومضحكه العالم
وتتفرجى على مسلاسلاتهم وعلى برامجهم تحسى انهم من كوكب تانى
مع ان مساحه لبنان دى كلها اد محافظه الجيزة كده
البو ست حلو
تحياتى
استيقظوا ياهمج
انهم يكذبون عليكم
الله خرافه قد صنعها الانسان والاديان جميعها مصنوعه من الدجل والخرافه واللدينات السماويه ماخوذه من مثيولوجيات وتم نقلها عن طريق التجاره
فعلا الموسم الأول كان أحلى المواسم وأكثرها احتراما وكنت أنا شخصيا بتابعه عشان جاري محمد عطية كان فيه :)
ستار أكاديمى ده وكسه و نكسه و حاجه رجسه
هى رجسه دى ماشى حالها
؟
البرامج دي اصلا المفروض من تفاهتها محدش يتابعها
ولكن نعمل اية بقي الناس كلها عايزة اي مولد وتشبع فيه طبل
ماليش راي في الموضوع دة لاني رافضة اصلا من البداية
اهنيكي علي بوستك
عبدالرحمن
شوفى
أيام محمد عطية فى ستار اكاديمى واحد
كان فيه اخلاق وانضباط
انا فاكره ان محمد عطية مرة طلع نومينيه
لانه بس سمح لنفسه يدخل غرفة البنات
وينام فى سرير ميرا ويبكى
لما خرجت فى تصفيات النومينيه
لانه كان متخيل انه بيحبها
كان عقابه ان يترشح نومينيه رغم انه كان مميز فى الامتحان الاسبوعى
إنما بعد كده
وكل سنه
الامور بتفلت منهم
سلاماتى
لى لى
عزيزتي هبه
طبعا اشكر مرورك دائما ما تكونين اولي المعلقات وهذا شي يسعدني
تحياتي
_____________________________
عزيزي راك
دائما ما اسعد بتواجدك ودائما تعليقاتك تضيف الكثير
تحياتي
______________________________
حطم القيود
اشكر مرورك
تعليقك مميز واضاف
تحياتي
____________________________
ميتو
اشكر مرورك وزيارتك واود تكرارها
تحياتي
______________________________
دكتور طنطاوي
مبسوطه جدا بتشريفك ليا وتواجدك بجد اسعدني جدا
وحاضر هسمع الكلام وهبطل اشوف ستار اكاديمي
تحياتي
_______________________________
عابد الرحمن
بجد مرورك اسعدني وعندك حق عار اكاديمي
تحياتي
____________________________
دكتور حر
سعدت بمرورك
تحياتي
____________________________
حدوته
سعدت بمرورك
تحياتي
___________________________
صوت مصر
سعدت بمرورك
تحياتي
_________________________
اونيمس
سعدت بمرورك
تحياتي
________________________
عروس البحر
سعدت بمرورك
تحياتي
____________________
قطة الصحراء
سعدت بمرورك
تحياتي
______________________
الربان
سعدت بمرورك
تحياتي
__________________________
ممكن
سعدت بمرورك تحياتي
___________________
الدرويش
سعدت بمرورك
تحياتي
________________
احمد منتصر
سعدت بتواجدك تحياتي
___________________
عبد الرحمن ونور
سعدت بمرورك تحياتي
___________________
لي لي
سعدت بمرورك
تحياتي
_____________________
مثلي
ربنا يهديك
Post a Comment